Milli hokkeý ligasynyň (MHL) metbugat gullugy liganyň resmi saýtynda 2028-nji ýylda hokkeý boýunça Dünýä kubogynyň geçiriljekdigini habar berdi.
Bellenilişi ýaly, ýaryş fewral aýynda geçiriler we MHL bilen Liganyň oýunçylarynyň assosiasiýasy (NHLPA) tarapyndan bilelikde gurnalar. Ýaryşyň Demirgazyk Amerikada we Ýewropada geçirilmegine, oňa azyndan sekiz toparyň gatnaşmagyna garaşylýar. Ýakyn aýlarda ýaryşy geçirmek üçin dalaşgär şäherlerden arza kabul edilip başlanar.
Öň Dünýä kubogy üç gezek – 1996, 2004 we 2016-njy ýyllarda geçirildi. Soňky ýaryşa sekiz topar gatnaşdy (6 milli ýygyndy we 2 birleşdirilen topar) we ýeňiji finalda Ýewropanyň ýygyndysyny utan Kanada topary boldy.
Dünýä Kubogy – 2028-e, Ýewropanyň ýygyndysy ýa-da Demirgazyk Amerikanyň ýaş ýyldyzlarynyň topary ýaly birleşdirilen toparlar bolmazdan, diňe milli toparlar gatnaşar.
