“Inter Maýami” amerikan futbol kluby 2025-nji we 2026-njy ýyllar üçin täze öý eşik toplumy Euforia bilen tanyşdyrdy. Ol Germaniýanyň adidas sport brendi tarapyndan taýýarlandy.
Stil bilen hyjuwy bir ýiti dizaýnda birleşdirýän köýnekçäniň aşaky burçunda “M” harpy görnüşinde Maýaminiň nyşany nagyşlanyp, yzky tarapynda “Freedom to Dream” (“Arzuw etmek erkinligi”) ýazgysy ýerleşdirilipdir.
“adidas-dan täze eşik toplumy owadan gara reňkli bezegler bilen ýiti we ýeňil gülgüne reňkde ýerine ýetirilen” – diýlip, klubuň metbugat gullugynda aýdylýar.
“2025-nji ýylda görlüp-eşidilmedik halkara derejesindäki ýaryşlardan başlap, 2026-njy ýylda Maýamidäki täze, döwrebap stadiona göçmek wakasyna çenli, bu ýönekeý bir ýagdaýy üýtgetmek däl – bu klub üçin täze eýýamyň başlangyjy” – diýlip, klubuň beýanynda aýdylýar.
2025-nji ýylda “Inter Maýami” üçin ýokary derejeli meýilnama garaşýar – MLS-den başga-da, topar FIFA-nyň Klublaýyn dünýä çempionatyna, KONKAKAF Çempionlar ligasyna we Ligalaryň kubogyna gatnaşar. 2026-njy ýylda klub 25 000 orunlyk “Miami Freedom Park” atly täze stadiona göçmegi meýilleşdirýär.
