FIFA ýanwar aýyndaky gyşky transfer penjiresiniň klub çykdajylary boýunça rekord goýandygyny habar berdi. Erkekleriň futbolynda çykdajylaryň umumy mukdary 2,35 mlrd dollara barabar boldy we bu gyşky transferleriň taryhynda iň uly mukdardyr.
Guramanyň maglumatlaryna görä, futbol klublary şu gyşda 5863 transferi amala aşyrdy.
Klublary has köp pul sarp eden ýurtlaryň ilkinji bäşligine Angliýa ($621,6 mln), Germaniýa ($295,7 mln), Italiýa ($223,8 mln), Fransiýa ($209,7 mln) we Saud Arabystany ($202,1 mln) girdi.
Ýanwar aýynda birnäçe esasy transferler boldy: winger Hwiça Kwarasheliýa “Napolini” terk edip, “PSŽ” bilen şertnama baglaşdy, hüjümçi Jon Duran “Aston Willadan” “Al-Nasra”, goragçy Abdukodir Husanow bolsa “Lansdan” “Mançester Sitä” geçdi.
Zenanlaryň futbolynda-da täze rekordlar goýuldy. Klublar 455 transfere 5,8 mln dollar sarp etdi, bu hem ýanwar penjiresiniň taryhynda iň ýokary görkezijidir. Bu ýerde-de çykdajylar boýunça iňlis klublary öňde barýar – olar futbolçylara 2,3 mln dollar sarp etdi hem-de iň köp transferi (39 şertnama) amala aşyrdy.
