Ispaniýaly goragçy Serhio Ramos Meksikanyň “Monterreý” futbol kluby bilen şertnama baglaşdy. Bu barada klubuň X sosial ulgamyndaky resmi sahypasynda habar berildi.
Mart aýynda 39 ýaşyny doldurjak Ramos toparda 93-nji oýun belgisini alar.
KHBS-iň maglumatlaryna görä, Ramosyň “Monterreýde” zähmet haky ýylda, takmynan, 4 mln ýewro bolar.
Ramos 2024-nji ýylyň iýul aýyndan bäri, Ispaniýanyň “Sewilýa” topary bilen şertnamasy tamamlanandan soň, erkin agentdi. Mundan öň iki ýyl Fransiýanyň “PSŽ” klubunyň oýunçysy boldy, ondan öň, 16 ýyllap Madridiň “Realynda” çykyş etdi.
