Ýewropa Ligasynyň pleý-off tapgyrynyň ähli gatnaşyjylary belli boldy

  • 31.01.2025 12:40
  • 5.9k+

Ýewropada klub ýaryşlarynyň ähmiýeti boýunça ikinji orunda durýan UEFA Ýewropa Ligasynyň toparlaýyn tapgyry tamamlandy. 8-nji tapgyryň ähli oýunlary şol bir wagtda geçirilip, duşuşyklar Aşgabat wagty bilen 31-nji ýanwarda sagat 01:00-da başlandy.

Dusuşyklaryň netijeleri boýunça pleý-off tapgyryna çykjak ähli toparlar belli boldy. Umumy tapgyryň jemi boýunça iň gowy 8 topar göni 1/8 finala çykdy, galan 16 topar bolsa goşmaça tapgyrda bu orunlar ugrunda göreşer.
Ilkinji 8 orny eýeläp, göni 1/8 finala çykan toparlar: «Lasio» (19 utuk), «Atletik» Bilbao (19), «Mançester Ýunaýted» (18), «Tottenhem» (17), «Aýntraht» Frankfurt (16), «Lion» (15), «Olimpiakos» (15), «Reýnjers» (14).
9-njy orundan 24-nji orna çenli ýerleşen toparlar bolsa 1/8 finala çykmak üçin goşmaça pleý-off tapgyrynda oýnarlar: «Budýo-Glimt» (14), «Anderleht» (14), «Stýaua» (14), «Aýaks» (13), «Real Sosýedad» (13), «Galatasaraý» (13), «Roma» (12), «Wiktoriýa Plzen» (12), «Ferenswaroş» (12), «Portu» (11), «AZ Alkmar» (11), «Midtýullann» (11), «Ýunion Sent-Žilluaz» (11), «PAOK» (10), «Twente» (10), «Fenerbahçe» (10).
Pleý-off tapgyrynyň bijesi 31-nji ýanwarda çekiler. Ilkinji duşuşyklar 13-nji fewralda, jogap duşuşyklary bolsa 20-nji fewralda bolar. 1/8 final tapgyrynyň ilkinji duşuşyklary 6-njy martda başlar, jogap oýunlary bolsa 13-nji martda geçiriler.


düýn 19:46
2.9k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
6.9k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
4.7k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...