24-nji ýanwarda EA Sports FC 25 oýnunda ýylyň iň gowy 12-nji oýunçysy üçin ses berişlik tamamlandy. Uly tapawut bilen ýeňşi saud “Al-Nasrynyň” hüjümçisi Kriştianu Ronaldu gazandy. Ses bermegiň netijesi boýunça, Ronaldu “Baýeriň” oýunçylary Florian Wirsden we Jeremi Frimpongdan uly tapawut bilen öňe geçdi.
Portugaliýaly futbolçynyň güýçlendirilen kartoçkasy ýokary häsiýetnamalar we 95 reýtingi bilen EA Sports FC 25-de eýýäm peýda boldy. Ony toplumlarda almak ýa-da oýun içindäki teňňeleriň esli mukdaryna transfer bazarynda satyn almak bolýar.
Mundan başga-da, oýna “TOTY (Team of The Year) Honourable Mentions” (Hormatly ýatlamalar) kartoçkalar toplumy goşuldy. Oňa ýylyň iň gowy türgenleriniň sanawyna goşulmaga mynasyp bolan, ýöne ulanyjylaryň ses bermeginiň netijesi boýunça goşulmadyk oýunçylar girdi.
Olaryň arasynda, mysal üçin, Erling Holand, Lionel Messi we Federiko Walwerde bar. Bu futbolçylar hem çäkli wagt toplumlarda elýeterli bolar, soň olary diňe transfer bazarynda satyn alyp bolýar.
