“Barselonanyň”, “Aýaksyň” we Niderlandlaryň milli ýygyndysynyň öňki hüjümçisi Patrik Klýuýwert Indoneziýanyň milli toparynyň baş tälimçisi boldy. 48 ýaşly hünärmen bilen şertnama 2027-nji ýyla çenli hereket edýär diýlip, ýurduň futbol federasiýasynyň saýtynda habar berilýär.
Indoneziýa FIFA-nyň reýtinginde 127-nji orny eýeleýär.
Karýerasynyň dowamynda Klýuýwert “Aýaks”, “Milan”, “Barselona”, “Nýukasl”, “Walensiýa”, “PSW” we “Lill” üçin çykyş etdi. Ol üç gezek Niderlandlaryň çempiony boldy, Çempionlar ligasynda ýeňiş gazandy, şeýle-de “Barselona” bilen Ispaniýanyň çempionatyny utdy. Klýuýwert Niderlandlaryň milli ýygyndysynda 79 oýna gatnaşdy we 40 gol geçirdi, iki gezek Ýewropa çempionatynyň bürünç baýragynyň eýesi boldy (2000, 2004).
Karýerasyny tamamlandan soň, Klýuýwert A3-üň, NEK-nyň we Niderlandlaryň milli ýygyndysynyň tälimçi ştabynda, “Aýaksyň” we “Twenteniň” ýaşlar toparlarynda işledi, Kýurosaonyň milli ýygyndysyna we “Adana Demirspor” türk klubuna ýolbaşçylyk etdi, Kamerunyň milli ýygyndysynda baş tälimçiniň kömekçisi, PSŽ-niň sport müdiri we “Barselona” akademiýasynyň müdiri boldy.
