Las-Wegasda geçýän CES 2025 sergisinde L'Oréal fransuz brendi ýüz derisiniň ýagdaýyny seljerýän Cell BioPrint innowason enjamyny hödürledi.
Stol enjamy NanoEntek koreý startapy bilen bilelikde işlenip taýýarlanan “çipli barlaghana” tehnologiýasyny ulanýar. Enjam deriniň garrama derejesine baha bermäge, täsir ediji faktorlary kesgitlemäge we degişli ideg komponentlerini saýlamaga mümkinçilik berýär.
Prosedura bary-ýogy 5 minut wagt alýar. Ulanyjy testeri ýaňagyna ýa-da maňlaýyna goýýar, soň ony reagente ýerleşdirýär we enjama salýar. Soňra emeli aň algoritmleri nusgany seljerýär, Skin Connect smart-skaneri bolsa ýüzi surata düşürýär. Şondan soň deri näsazlygy barada gysgaça anketa doldurylýar.
Cell BioPrint deri garramasynyň tizligi, näderejede pigmentasiýa ýykgyndygy we kosmetiki maddalaryň, şol sanda retinolyň netijeliligi baradaky soraglara jogap berýär. Möhüm ýeri, testler makiýažyň ýa-da SPF kremiň barlygyna bagly däldir.
Enjam 2025-nji ýylda brendiň Günorta Koreýadaky birnäçe firma dükanynda synagdan geçiriler. Müşderiler önümi satyn almazdan ozal derini analiz edip biler.
L'Oréal-yň baş müdiriniň orunbasary Barbara Lawernosyň aýtmagyna görä, enjam adamlara derä ideg etmegiň ylmy çemeleşmesini hödürleýär.
