Serbiýaly tennisçi Nowak Jokowiç Brisbende geçirilýän Professional tennisçileriň assosiasiýasynyň (ATP) ýaryşynyň çärýek finalynyň oýnunda amerikaly Raýli Opelkadan utuldy. Duşuşyk iki setde 7:6 (8:6), 6:3 hasabynda Opelkanyň peýdasyna tamamlandy.
Jokowiç ýaryşda birinji belgi bilen ýerleşdirildi, amerikaly belgi almady. Ýarym finalda Opelka fransiýaly Jowanni Mpetşi-Perrikar bilen oýnar.
Jokowiç 37 ýaşynda. Ol häzir ATP-niň dünýä reýtinginde ýedinji setirde ýerleşýär. Onuň hasabynda ATP ýaryşlarynda 99 ýeňiş, şol sanda “Uly tuwulga” ýaryşlarynda 24 ýeňiş bar – erkekleriň arasynda ýekelikde rekord. Serbiýaly Olimpiýa oýunlarynyň ýeňijisi (2024), Olimpiadanyň bürünç baýragynyň eýesi (2008) we Dewisiň Kubogynyň eýesidir (2010). Şeýle-de, oňa dünýäniň birinji raketkasy hökmünde geçirilen hepdeleriň sany boýunça (428) absolýut rekord degişlidir.
Opelka 27 ýaşynda bolup, ATP reýtinginde 293-nji orny eýeleýär. Türgeniň hasabynda guramanyň howandarlygynda dört titul bar. Onuň “Uly tuwulga” ýaryşlarynda iň ýokary netijesi 2021-nji ýylda ABŞ-nyň Açyk çempionatynyň dördünji tapgyryna çykmagy boldy.
Brisbendäki ýaryş ATP 250 kategoriýasyna degişli. Ýaryşyň häzirki ýeňijisi bolgariýaly Grigor Dimitrowdyr.
