Madridiň “Realynyň” halypasy italiýaly Karlo Ançelotti FIFA tarapyndan 2024-nji ýylyň iň gowy tälimçisi diýlip ykrar edildi. Bu barada Kataryň Doha şäherinde geçirilen The Best FIFA Football Awards baýragynyň gowşurylyş dabarasynda yglan edildi.
Şeýle-de, dalaşgärleriň hataryna Hosep Gwardiola (“Mançester Siti”), Habi Alonso (“Baýer”), Lionel Skaloni (Argentinanyň milli ýygyndysy) we Luis de la Fuente (Ispaniýanyň milli ýygyndysy) girdi.
Ses berişligiň netijesinde Ançelotti 26 ses aldy. Ikinji orny Habi Alonso (22), üçünji orny Luis de la Fuente (11) eýeledi.
2023/24 möwsüminde “Real” Ançelottiniň ýolbaşçylygynda Ispaniýanyň çempionatynda, Ispaniýanyň Superkubogynda, UEFA-nyň Çempionlar ligasynda we Superkubogynda ýeňiji boldy.
Zenan futbolynda iň gowy tälimçi hökmünde ABŞ-nyň milli ýygyndysynyň halypasy Emma Heýz saýlandy. Ol 2012 – 2024-nji ýylda “Çelsiniň” tälimçisi boldy.
