Germaniýanyň milli ýygyndysynyň we “Bawariýanyň” 21 ýaşly hüjümçi ýarymgoragçysy Jamal Musiala janköýerleriň aglaba köplüginiň sesini alyp, 2024-nji ýylda bundestimiň iň gowy futbolçysy diýlip ykrar edildi. Bu barada Germaniýanyň futbol birleşiginiň resmi saýty habar berýär.
Bu ses berişlikde Musiala 56% ses aldy. Ikinji orunda ýarymgoragçy Florian Wirs ýerleşdi – 38%. Öňdebaryjylaryň üçlügini 6% ses alan hüjümçi Kaý Hawers jemledi.
Musiala 2024-nji ýylda Germaniýanyň milli ýygyndysy üçin 13 oýna gatnaşyp, bäş gol we bäş assist bilen tapawutlandy. Şeýle-de, ol Ýewro-2024-üň simwolik ýygyndysyna goşuldy.
