Höwesjeň arheolog Klaus Falsbýu Daniýada gadymy gymmatlyklaryň gizlenen ýerini tapdy. Tapyndylaryň arasynda b.e. öňki 500-nji ýyllara degişli adaty bolmadyk egri gylyç bar diýip, ROMU muzeý birleşigine salgylanýan Heritage Daily habar berýär.
Gadymy gymmatlyklaryň gizlenen ýeri Kopengageniň günbataryndaky Werebro-Odal tebigy gorag meýdançasynda ýerleşýärdi. Bu sebit derýalaryň, batgalyklaryň we suw howdanlaryň ulgamydyr. Klaus Falsbýu batgalygy demir detektory arkaly gözden geçirdi.
Hünärmenleriň pikiriçe, bu gizlenen ýerdäki zatlar bürünç we demir asyrlaryna degişlidir. Olar däp-dessur gatnaşyklaryny berjaý etmekde ulanylýar. Gylyç söweşe ýaramsyz bolar ýaly ýörite egreldilipdir.
ROMU muzeý birleşiginiň arheology Emil Winter Struwe şeýle sadakalaryň irki we orta bürünç eýýamynda has ýygy duş gelýändigini aýtdy. Gylyç bürünç bilen demir asyrynyň arasyndaky geçiş döwrüne şaýatlyk edýär: tygy bürünçden, deşikdäki berkitmeler metaldan ýasalýar. Belki, şol döwürde Galştat medeniýeti (Galştat medeniýeti takmynan 800-den 400-e çenli Ýewropada bar bolan, Awstriýadaky Galştat ýeriniň adyny göterýän arheologiki medeniýetdir) bolan Alp daglarynyň demirgazygyndaky sebitden getirilen bolsa gerek.
Gylyçdan başga-da ol ýerde iki sany bürünç ok, üç sany topuk bilezigi, uly saça dakylýanyň bölegi (zakolka) we näbelli bir zat bar.
Bu ýerden uzak bolmadyk ýerde Falsbýu adaty bolmadyk "arça" şekilli bürünç monjugy hem ele saldy. Taryhy gymmatlyk gylyjyň ele salnan ýerinden 70 metr uzaklykda tapyldy.
Tapyndylar möhüm ähmiýete eýe bolup, gadymy Skandinawiýa sebitiniň däp-dessurlaryny aýdyňlaşdyrýar diýip, rbc.ru ýazýar.
