37 ýaşly urugwaýly hüjümçi Luis Suares “Inter Maýami” amerikan klubunda çykyş etmegini dowam etdirer. Futbolçy ABŞ-nyň Esasy futbol ligasynyň (MLS) kluby bilen şertnamasyny 2025-nji ýylyň ahyryna çenli uzaltdy.
Suares “Inter Maýamä” 2024-nji ýylda goşuldy we topar üçin 37 oýunda 25 gol geçirdi.
Suares Urugwaýyň “Nasýonal” toparynyň ýetişdiren oýunçysydyr. Ol 2006-njy ýyldan bäri karýerasynyň dowamynda Niderlandlaryň “Groningen” we “Aýaks”, Angliýanyň “Liwerpul”, Ispaniýanyň “Barselona” we “Atletiko” (Madrid) ýaly ýewropa klublarynda üstünlikli çykyş etdi. Ispaniýada bäş gezek La Liganyň çempiony (dört gezek “Barselona”, bir gezek “Atletiko” bilen) boldy, dört gezek Ispaniýanyň Kubogyny utdy, şeýle-de “blaugrananyň” düzüminde Çempionlar ligasynyň, UEFA-nyň Superkubogynyň we Klublaýyn dünýä çempionatynyň ýeňijisi boldy.
Suares 2011-nji ýylda Amerikanyň Kubogyny utmak we 2010-njy ýylda GAR-da geçirilen dünýä çempionatynda ýarym finala çykmak bilen Urugwaýyň milli ýygyndysynyň taryhynda-da yz galdyrdy.
