“Inter Maýami” öz resmi saýtynda argentinaly hünärmen Herardo Martinonyň şahsy sebäplere görä toparyň baş tälimçisi wezipesinden gidendigini habar berdi.
“Meniň üçin şeýle aýratyn klubda işlemek we şeýle aýratyn topara ýolbaşçylyk etmek hormat boldy. Men “Inter Maýamide” bolan wagtymdan lezzet aldym we bu ýerde dörän ýatlamalary we gatnaşyklary ömrümiň ahyryna çenli aýaryn. Men geçirilen wagt üçin çuňňur minnetdarlyk duýgusy bilen gidýärin we muny mümkin edenlere çyn ýürekden minnetdarlyk bildirmek isleýärin” – diýip, Martino aýtdy.
Martino “Inter Maýamä” 2023-nji ýylyň iýun aýynda tälimçi bellenildi. Onuň ýolbaşçylygynda topar Ligalaryň kubogyny utdy.
KHBS-iň habar bermegine görä, “Inter Maýaminiň” täze baş tälimçisi häzirki wagtda Argentinanyň ýaşlar ýygyndysyna ýolbaşçylyk edýän Hawýer Maskerano bolup biler.
