Kriştianu Ronaldu Lissabonda geçirilen gala konsertinde Quinas de Ouro baýragyna mynasyp boldy. Portugaliýanyň Futbol federasiýasynyň prezidenti Fernando Gomes futbolçynyň Portugaliýa futbolyny ösdürmäge we ýaýratmaga goşan goşandyny we onuň milli ýygyndyda gazanan üstünliklerini belläp geçdi diýip, Çempionat portaly habar berýär.
"Ol 20 ýyldan gowrak wagt bäri Portugaliýanyň milli ýygyndysynda işleýär, eger Portugaliýanyň milli ýygyndysyna wekilçilik etmäge kimiň söýgi bildirendigi barada gürrüň etsek, onda bu Kriştianu Ronaldu. Ol egnindäki köýnekçäni, Portugaliýany duýýar we ýurdumyzyň ösen tejribesiniň wekili boldy" - diýip, Gomes belledi. Ol Ronaldunyň hemişe milli topara wepalylygyň we söýginiň nyşany bolandygyny, şonuň üçin baýragyň adalatlydygyny sözüniň üstüne goşdy.
"Meniň diňe bir sözüm bar - bu Kriştianu beren ähli zatlary, egnindäki köýnekçäni, milli topary we ilkinji nobatda, Portugaliýany duýşy üçin minnetdarlyk sözi. Gutlaýaryn we minnetdarlyk bildirýärin!" - diýip, Gomes sözüni jemledi.
"Men milli ýygyndydaky karýeram üçin bu baýragy alandygyma buýsanýaryn. Biziň entek gazanmaly zadymyz köp! Minnetdar, Portugaliýa!" - diýip, Ronaldu öz X sosial ulgamyndaky sahypasynda ýazdy.
Ronaldu - dünýäde ähli ýygyndylaryň arasynda gol sany boýunça rekord eýesidir (130 gol). Ol milli toparyň düzüminde Ýewropa çempionatyny we UEFA-nyň Milletler ligasyny utdy. Portugaliýada dört gezek ýylyň iň gowy futbolçysy boldy.
