NASA-nyň öňki inženeri we YouTube blogeri Mark Rober “Daş, gaýçy, kagyz” oýnuny ussatlyk bilen oýnaýan Rocky atly roboty döretdi. Rober kanalda ýerleşdiren wideosynda roboty utmak mümkinçiliginiň nola deňdigini aýdýar.
Robot garşydaşyň elleriniň we barmaklarynyň hereketlerini yzarlamak üçin infragyzyl datçikler bilen üpjün edildi, olar sekuntda ýüz gezek maglumat ýygnaýar. Maglumatlar algoritmiň kömegi bilen garşydaşyň saýlaýan hereketini öňünden çaklaýan mini kompýutere geçirilýär. Bu Rocky robotyna öz “göçümini” derrew we ýalňyşsyz etmäge mümkinçilik berýär.
Rober hiç bir strategiýanyň roboty utmaga kömek etmejekdigini, sebäbi onuň diňe garşydaşyň hereketini görenden soň “göçüm” edýändigini belleýär.
Gyzyklandyrmak üçin inžener hatda Rocky-ny utan islendik adama 10 000 dollar möçberde baýrak goýdy.
“Gynansak-da, siziň strategiýaňyza garamazdan, siziň mümkinçiligiňiz örän, örän az. Takmynan, 0%” – diýip, bloger aýtdy.
