Tebigaty goramak boýunça halkara bileleşigi (IUCN) kirpileri ýitip gitmek howpy abanýan görnüş hökmünde Gyzyl kitaba girizdi. Gözleglere görä, soňky on ýylda Ýewropa ýurtlarynyň birnäçesinde kirpileriň sany 16–33% azaldy diýip, The Guardian habar berýär.
Kirpileriň sanynyň azalmagynyň esasy sebäbi şäherleşme hasap edilýär. Şäherleriň köpelmegi kirpileriň tebigy mekanyny ýok edýär, ýol hereketi bolsa olaryň ölümine sebäp bolýar. Mundan başga-da, oba hojalygynda pestisidleriň ulanylmagy kirpileriň esasy iýmit çeşmesi bolan mör-möjekleri zäherleýär.
Ekologlar bu haýwanlary goramak üçin çäre görmäge çagyrýarlar we kirpileriň erkin hereket etmegi üçin haýatlarda deşik ýer goýmagy we pestisidleri ulanmakdan ýüz öwürmegi maslahat berýärler.
