Ispaniýanyň La Ligasynyň 11-nji tapgyrynyň çäginde 27-nji oktýabra geçilýän gije Madridiň "Realy" öz meýdançasynda "Barselonadan" ýeňildi. "Santýago Bernabeu" stadionynda geçirilen "El Klasiko" 4:0 hasabynda tamamlandy.
"Barselonanyň" düzüminde ikinji ýarymda Robert Lewandowski iki minutda iki gol geçirdi. Şeýle hem Lamin Ýamal we Rafinýa bir gol geçirdiler. Gollaryň ählisi duşuşygyň ikinji ýarymynda geçirildi.
Madridiň "Realynyň" hüjümçisi Kilian Mbappe oýnuň dowamynda garşydaşynyň derwezesine iki gezek gol geçirdi, ýöne iki top hem oýundan daşardaky ýagdaý sebäpli hasaba alynmady.
Şeýlelikde, "Barselona" 30 utuk toplap, Ispaniýa çempionatynda öňdeligi saklap gelýär. "Real" 24 utuk bilen ikinji orunda barýar.
2-nji noýabrda geçiriljek indiki tapgyrda "Real" "Walensiýa" bilen duşuşar. Şeýle-de şol gün "Barselona" "Espanýoly" kabul eder.
