“Barselonanyň” hüjümçisi Lamin Ýamal Çempionlar ligasynyň taryhynda ikinji iň ýaş bombardir boldy. Ispaniýaly futbolçy toparlaýyn tapgyryň “Monako” garşy birinji tapgyr oýnunda ýaryşda ilkinji goluny geçirdi. Ol şol wagt 17 ýyl 68 gün ýaşyndady.
Bu görkeziji boýunça birinji orny esasy ýewropa ýaryşynda ilkinji goluny 17 ýyl 40 gün ýaşynda geçiren klubdaşy Ansu Fati eýeleýär.
Mundan başga-da, Ýamal 17 ýaşa çenli oýunçylaryň arasynda Çempionlar ligasynda geçiren oýunlarynyň sany boýunça rekord goýdy. Häzirki wagtda ol ýaryşda Jud Bellingem, Ýuri Tilemans we Uorren Zair-Emeri ýaly oýunçylardan has köp oýna gatnaşdy. Bu ýyldyzlaryň her biriniň hasabynda 10 oýun bar.
Ýamalyň şahsy üstünligine garamazdan, oýun “Barselonanyň” 1:2 hasabynda utulmagy bilen tamamlandy. “Monakonyň” düzüminde gol bilen Manes Akliuş (16-njy minut) we Jorj Ilenihena (71-nji minut) tapawutlandy. Belläp geçsek, “Barselona” eýýäm oýnuň onunjy minutynda azlykda galdy – emin düzgün bozma üçin toparyň goragçysy Erik Garsiýa gyzyl duýduryş berdi.
