Amerikaly aktýor we syýasatçy Arnold Şwarsenegger howanyň üýtgemegine garşy alnyp barylýan göreşe we raýat jemgyýetiniň ösmegine goşan goşandy üçin Berliniň hususy Hertie School uniwersitetinde doktorlyk derejesini aldy diýip, TASS habar berdi.
Dabarada Şwarseneggeri Germaniýanyň wise-kansleri Robert Habek gutlap, ony göreldäniň nusgasy diýip atlandyrdy. Habek Şwarseneggeriň syýasy ýagdaýlara däl-de, elmydama öz gymmatlyklaryna esaslanandygyny nygtady. Hususan-da, ol aktýoryň Kaliforniýada gubernator bolan wagty gaýtadan dikeldilýän energiýa çeşmelerini ösdürmek boýunça eden işlerini belläp geçdi.
Şwaseneggeriň özi bolsa, zähmetine berlen ýokary baha üçin minnetdarlyk bildirdi.
