Erkin agent bolan 30 ýaşly niderlandly hüjümçi Memfis Depaý Braziliýanyň “Korintians” kluby bilen şertnama baglaşdy. Brazil kluby muny resmi taýdan tassyklady diýip, euro-football.ru tassyklaýar.
Çeşmäniň berýän habaryna görä, şertnama 2026-njy ýylyň tomsuna çenli baglaşyldy. “Korintiants”-da boljak 28 aýynyň dowamynda Depaý 11,3 million ýewrodan gowrak girdeji gazanar.
Meşhur žurnalist Fabrisio Romano 8-nji sentýabrda futbolçynyň lukmançylyk synagyndan üstünlikli geçendigini habar berip, X sosial ulgamyndaky (öňki Twitter) maglumaty tassyklady.
Depaýyň soňky kluby bolan Madridiň “Atletikosyndan” 2024-nji ýylyň iýulynda çykyp gaýdypdy. Niderlandly türgen 2021-nji ýyldan 2023-nji ýylyň ýanwaryna çenli aralykda "Barselonada" çykyş etdi. Bu döwürde ol 42 oýunda 14 gol geçirdi.
