Norwegiýaly grossmeýster Magnus Karlsen çalt oýnalýan küşt boýunça dünýä çempionatynda ýeňiji boldy. Ýaryşyň finalynda ol 23,5-7,5 utuk bilen fransuz grossmeýsteri Alireza Firujy ynamly ýeňdi.
Duşuşykda Karlsen ilkinji oýunlardan başlap agalygy öz eline aldy we barha artykmaçlygyny artdyrdy. Ol ýeňşinden soň, sosial ulgamlarda bu barada ýazan teswirinde: "Biraz tizlik görkezdim" – diýip belledi.
Karlsen finala barýarka çempionatyň iň köp garaşylýan oýunlarynyň birinde amerikaly küştçi Hans Nimandan üstün çykyp, ýeňiji boldy. Ondan öň Karlsen Nimany aldawçylykda (adalatsyz oýnamakda) aýyplap, onuň bilen oýnamakdan ýüz öwrüpdi, ýöne ýarym finalda oňa bäş utuk artykmaçlyk gazanmak başartdy.
