28-nji oktýabrda Pariždäki Şatle teatrynda “France Football” žurnaly tarapyndan futbol dünýäsinde abraýly baýraklaryň gowşurylyş dabarasy geçiriler. Bu wakadan öň žurnal baýraklara, şol sanda “Ýylyň kluby” adyna dalaşgärleri saýlady.
Bu at ugrunda Ýewropanyň bäş kluby bäsleşer:
- Dortmundyň “Borussiýasy” (Germaniýa)
- “Žirona” (Ispaniýa)
- “Baýer” (Germaniýa)
- “Real” (Ispaniýa)
- “Mançester Siti” (Angliýa)
Ýatlap geçsek, dünýäniň iň gowy kluby üçin baýrak ilkinji gezek 2021-nji ýylda gowşuryldy. Bu göreşde Angliýa öňdebaryjylyk edýär, sebäbi öňki üç ady-da Angliýanyň klublary aldy.
2021-nji ýylda iň gowy klub “Çelsi” boldy, 2022-nji we 2023-nji ýyllarda baýragy “Mançester Siti” aldy.
