ZAwstriýanyň öň 201 dýuýmlyk ýygnalýan meýdan telewizory bilen meşhurlyk gazanan C SEED Entertainment Systems kompaniýasy telewizoryň jaýda ulanmaga niýetlenen täze modelini hödürledi diýip, Hi-Tech Mail habar berýär.
C SEED N1 - bu ýygnalanda polda goýulýan tumba öwrülýän we açylanda bolsa 103, 137 ýa-da 165 dýuým diagonally ullakan ekrana öwrülýän telewizor.
Telewizoryň gurluşy özboluşly: bäş sany MicroLED paneli “gülleýän gül ýaly” açylmak bilen, ekrany 3 metr beýiklige galdyrýar. Öwrülme prosesi bary-ýogy 45 sekunt wagt alýar.
C SEED dizaýna aýratyn ähmiýet berýär: müşderiler tumbanyň telewizoryň islendik içeride gelşikli ýerleşmegine mümkinçilik berýän stilini saýlap bilerler. "Biz diňe bir ululygy bilen täsir galdyrman, eýsem daş-töweregine gelşik berýän telewizory döretmek isledik" – diýip, kompaniýada bellediler.
C SEED N1-iň tehniki häsiýetnamasy
- Displeýiň diagonaly: islege görä, 103, 137 ýa-da 165 dýuým
Matrisanyň görkezijileri: durulygy 4K, ýagtylygy 1000 nit (103 üçin 800 nit), 64 milliard reňki görkezmek, RWK goldawy 10+, PWM 3840 Gs, kontrast gatnaşygy 30 000: 1, gözýetim meýdany 170/170 dereje;
Ses: 250 W-lyk iki dinamika + subwufer 700 Wt;Baglanyşyklary: HDMI 2.0, DisplayPort 1.4, 2xUSB, ses çykaryjy, Ethernet; - Aýratynlyklary: AV-resiwer 9.2, telewizoryň aýlanyşy 180 gradus sagat diliniň tersine ýa-da 90 dereje saga / çepe;
- Agramy: ýokarda görkezilen diagonallara görä, degişlilikde 420 kg, 680 kg we 900 kg.
C SEED N1-iň bahasy çak bilen190 müň dollar.
C SEED N1 Berlinde IFA 2024 halkara sergisiniň öňüsyrasynda görkezildi.
