Topps kompaniýasynyň Lionel Messiniň we Kriştianu Ronaldunyň awtograflary bolan özboluşly futbol kartoçkasy auksiona çykaryldy. Kartoçka seýrek duş gelýän “Topps Messi-Ronaldo Dual Auto 1/1 Superfractor card” toplumynyň bir bölegi bolup, iki futbolçynyň-da goluny saklaýar diýip, Goal neşirine salgylanyp, Daily Sports habar berýär.
Bedfordşirden Raýan atly kolleksioner kartoçkanyň üstünden tötänleýin baryp, ony 27 funt sterlinge ($35) satyn aldy. Soň bolsa onuň has gymmatlydygy belli boldy.
“Bu örän haýran galdyrdy. Men tapanymdan soň 30 minutyň içinde 45 müň funt sterling we ondan ýokary teklip alyp başlaýançam, onuň şeýle derejede gymmatlydygyny bilmändim. Bu sýurrealistik 24 sagat boldy” – diýip, Raýan gürrüň berýär.
Messiniň we Ronaldunyň goly bolan goşa kartoçka auksionda 3-nji sentýabrda satylar. Onuň bahasynyň 75 000 – 100 000 funt sterling bolmagyna garaşylýar.
