Uels şazadasy Uilýam Angliýanyň Futbol assosiasiýasynyň (FA) howandary boldy. Bu barada guramanyň resmi saýtyna salgylanyp, RIA Nowosti habar berýär.
Öň, bu wezipäni şa aýaly Ýelizaweta II eýeläpdi. Ol aradan çykandan soň şa öýi şa howandarlyklaryna we haýyr-sahawat guramalarynyň prezidentliklerine täzeden seretdi. Uels şazadasy 2006-njy ýyldan bäri FA-nyň prezidenti wezipesini eýeleýär.
Angliýanyň Futbol assosiasiýasy 1863-nji ýyldan bäri hereket edýär. Bu gurama Angliýada futbola gözegçiligi we dolandyryşy amala aşyrýar.
