UEFA-nyň Düzgün-nyzam komiteti Ýewropa çempionaty – 2024-de janköýerleriň özüni alyp baryşlary üçin ýedi milli federasiýa jerime saldy diýip, “Çempionat” portaly habar berýär.
Ýagny, Horwatiýanyň, Serbiýanyň, Albaniýanyň, Sloweniýanyň, Rumyniýanyň, Awstriýanyň we Wengriýanyň milli ýygyndylaryna “janköýerleriň jynsparazlyk we hukuk kemsidiji hereketleri sebäpli” jeza berildi. Şeýle düzgün bozmalar üçin iň uly jerimäni Horwatiýanyň milli ýygyndysy aldy, ol 50 müň ýewro tölemeli boldy.
Ýatlap geçsek, Ýewro-2024-üň ýeňijisi ýaryşyň aýgytly oýnunda Angliýanyň milli ýygyndysyny 1:2 hasabynda utan Ispaniýa boldy. Angliýa Ýewro finalynda yzygider ikinji gezek ýeňlişe sezewar boldy. 2021-nji ýylda topar Italiýanyň milli ýygyndysyndan utuldy.
