Namibiýada ýaşaýyş jaý gytçylygyny çözmekde täzeçil çemeleşme işlenip taýýarlanýar. Oňa laýyklykda, kömelekden jaý gurmak isleýärler diýip, The Guardian ýazýar.
MycoHab barlag topary ýurtda bol ösýän, orlan haşal otlaryň yzynda "weşenki" diýlip atlandyrylýan kömeleklerini ösdürip ýetişdirmegi, soňra bolsa olary gurluşyk tagtasy görnüşinde preslemegi teklip edýär.
Bu başlangyç birbada birnäçe meseläni: ýaşaýyş jaý gytçylygyny, daşky gurşaw meselesini we garyplygy çözmäge gönükdirilendir. Namibiýada maşgalalaryň 90% töweregi aýda 144 dollardan az gazanýar. Ýurduň ilaty, takmynan, 2,7 million adam we olar üçin gysga wagtda azyndan ýarym million öý gurmak zerur.
Barlagçylar orlan haşal otlaryň yzynda kömelek ösdürip ýetişdirmeklik otlary ýakmakdan we atmosferany zyýanly gazlar bilen hapalamakdan dyndarar we ony jemgyýetiň peýdasyna ulanmaga mümkinçilik berer. Alnan kömelek plitalary adaty kerpiçlerden has agyr, ýöne olary bir-birine seplemek aňsat we çalt bolup, gurluşygy elýeterli eder.
Ýene bir artykmaçlygy, kömelekden salnan jaýlar oda çydamly bolar.
“Adamlar jaýyň içini ysy tutar öýdýärler, sebäbi bloklar tebigy materiallardan ýasalan, ýöne bu dogry däl. Käte agajyň ysy çalaja gelmegi mümkin, ýogsa-da asla ys bildirmez "- diýip, taslamany döreden Kristin Haukongo gürrüň berdi.