Ýapon balarylary (Apis cerana japonica) öýjüklerini garynjalardan goramak üçin adaty bolmadyk usuly ulanýarlar. Ýaponiýanyň Milli Daşky gurşawyň barlaglary institutynyň gözlegçileri arylaryň garynjalary ganaty bilen kakyp, ýere gaçyrýan pursadyny surata düşürdiler.
Hünärmenler ýokary tizlikli kameralary ulanyp, öýjüklerini goraýan arylaryň özüni alyp barşyna syn etdiler. Garawul ary garynjanyň ýanyna baryp, ony uly güýç bilen urdy we ýere zyňdy. Ganatlaryny herekete geçirmezden ozal, ary edil tennisçi ýaly öwrülip yza çekildi.
Gözlegçiler ganat urgusynyň garynjalara hemişe degmeýändigini belleýärler. Şeýle ýagdaýlarda garynjalar näme bolanyna düşünmän doňup galýarlar, bu bolsa arylara gaýtadan synanyşmaga mümkinçilik berýär.
Alymlaryň pikiriçe, “şarpyk çalmak” usuly ownuk garynjalara garşy göreşmegiň iň täsirli usulydyr. Beýleki ýagdaýlarda arylar mör-möjekleri ýok etmek üçin olary çakýarlar ýa-da togalanyp bedenlerini ezýärler. Arylaryň käbir görnüşleri bolsa, zyýankeşlerden we ýyrtyjylardan öýjüklerini goramak üçin diwar gurýarlar.
