Abraýly Transfermarkt internet portaly dünýäniň iň gymmat futbolçylarynyň sanawyny hödürledi. Reýtingde birinji orny Madridiň “Realynyň” oýunçysy Jud Bellingem eýeleýär. Portal futbolçyny 180 mln ýewro bilen bahalandyrýar. Ikinji orunda “Mançester Sitiden” Erling Holand ýerleşdi. Üçlügi Madridiň “Realynyň” ýene bir oýunçysy Winisius Žunior jemleýär. Portal soňky iki oýunçyny-da 180 mln ýewro bilen bahalandyrýar.
Bu reýtinge Ýewro-2024 ýaryşyndan soň “Barselonanyň” 17 ýaşly hüjümçisi Lamin Ýamal hem goşuldy. Futbolçy öňküsinden 30 mln ýewro gymmatlady we häzir 120 mln ýewro bilen bahalandyrylýar.
Dünýäniň iň gymmat futbolçylarynyň ilkinji onlugy:
- Jud Bellingem (Madridiň “Realy”, 180 mln ýewro)
- Erling Holand (“Mançester Siti”, 180 mln ýewro)
- Winisius Žunior (Madridiň “Realy”, 180 mln ýewro)
- Kilian Mbappe (Madridiň “Realy”, 180 mln ýewro)
- Filip Foden (“Mançester Siti”, 150 mln ýewro)
- Bukaýo Saka (“Arsenal”, 140 mln ýewro)
- Florian Wirs (“Baýer”, 130 mln ýewro)
- Jamal Musiala (“Bawariýa”, 130 mln ýewro)
- Rodri (“Mançester Siti”, 130 mln ýewro)
- Lamin Ýamal (“Barselona”, 120 mln ýewro)
