Geçen ýyl bolşy ýaly, bu ýyl hem Uimbldonyň finalynda serbiýaly tennisçi Nowak Jokowiç ispaniýaly Karlos Alkaras bilen duşuşar. Final duşuşygy Londonda 14-nji iýulda geçiriler.
Ýarym final oýnunyň öňüsyrasynda Jokowiç italiýaly Lorenso Muzettini ýeňdi. Duşuşyk 6:4, 7:6 (7:2), 6:4 hasabynda Jokowiçiň peýdasyna tamamlandy.
Öň Alkaras ýarym finalda 6:7 (1:7), 6:3, 6:4, 6:4 hasabynda Daniil Medwedewi (5) ýeňipdi.
Geçen ýylky finalda Jokowiç Alkarasdan utulyp, 34 ýeňşiniň yzyny üzdi.
37 ýaşly Jokowiç dünýäniň ikinji raketkasydyr. Onuň hasabynda Professional tennisçileriň assosiasiýasynyň (ATP) ýaryşlaryndan 98 ýeňiş, şol sanda “Uly tuwulga” ýaryşlaryndan 24 ýeňiş bar. Şeýle hem türgen Olimpiýa oýunlarynyň (2008) bürünç medalynyň we Deýwisiň Kubogynyň (2010) eýesidir.
21 ýaşly Alkaras ATP reýtinginde üçünji ýerde durýar. Ol guramanyň ýaryşlarynda 14 ýeňiş gazandy. “Uly tuwulga” ýaryşlarynda bolsa, iki gezek ýeňiji boldy: 2022-nji ýylda US Open, 2023-nji ýylda Uimbldon.
Uimbldon “Uly tuwulganyň” dört ýaryşynyň biridir. Ýaryşyň umumy baýrak gaznasy 63 million dollar.
