Serbiýaly Nowak Jokowiç ispaniýaly Karlos Alkarasdan öňe geçip, Professional tennisçileriň assosiasiýasynyň (ATP) reýtinginde ikinji orna çykdy. Reýtingiň täzelenen görnüşi guramanyň saýtynda ýerleşdirildi.
Geçen hepde Alkaras Londonda geçirilen ýaryşyň ikinji tapgyrynda britaniýaly Jek Dreýperden utulyp, titulyny gorap bilmedi we 450 utuk ýitirdi. Şonuň netijesinde Jokowiç ikinji orny eýeledi.
Ilkinji onlukda ýene bir üýtgeşme bolup geçdi: polşaly Hubert Hurkaç dokuzynjy orundan ýedinji orna galdy, şol bir wagtyň özünde awstraliýaly Aleks de Minaur iki orny ýitirdi. Dünýä reýtinginiň başynda italiýaly Ýannik Sinner durýar.
ATP-niň 24-nji iýundaky reýtingi:
- (1). Ýannik Sinner (Italiýa) – 9890 utuk;
- (3). Nowak Jokowiç (Serbiýa) - 8360;
- (2). Karlos Alkaras (Ispaniýa) - 8130;
- (4). Aleksandr Zwerew (Germaniýa) - 6905;
- (5). Daniil Medwedew (Russiýa) - 6445;
- (6). Andreý Rublýow (Russiýa) - 4420;
- (9). Hubert Hurkaç (Polşa) - 4235;
- (8). Kasper Ruud (Norwegiýa) - 4025;
- (7). Aleks de Minaur (Awstraliýa) - 3830;
- (10). Grigor Dimitrow (Bolgariýa) - 3750.
