Ýekşenbe güni, 16-njy iýunda Germaniýada dowam edýän Ýewropa çempionatynda C we D toparlaryň ilkinji duşuşyklary geçirildi.
D toparyň duşuşygy Gamburgda geçdi. Niderlandlar 2:1 hasap bilen Polşadan üstün çykdylar. Polşanyň futbolçylary 16-njy minutda Adam Buskiniň goly bilen hasaby açdylar. 29-njy minutda Kodi Gakpo hasaby deňledi. Ýeňiş goluny bolsa 83-nji minutda Waut Weghorst geçirdi. Bu toparyň beýleki jübüdi bolan Awstriýa bilen Fransiýa şu gün duşuşarlar.
Ştutgartda С topardan Daniýa bilen Sloweniýanyň arasyndaky duşuşyk 1:1 hasap bilen deňme-deňlikde tamamlandy. Kristian Erikson 17-nji minutda toparyny öňe çykardy, 77-nji minutda Erik Ýanja hasaby deňledi.
С topardan Angliýa 1:0 hasap bilen Serbiýany ýeňdi. Ýeke-täk goly 13-nji minutda Jud Bellingem geçirdi.
Awstriýa-Fransiýa duşuşygyndan (başlanýan wagty - 00:00) başga-da, şu gün tomaşaçylar E topardan Rumyniýa - Ukraina (18:00) we Belgiýa -Slowakiýa (21:00) duşuşyklaryna tomaşa edip bilerler.
