Türkmenistanda döwlet saparynda bolan Koreýa Respublikasynyň Prezidenti Ýun Sok Ýola hem-de onuň maşgalasy Kim Kon-Hine türkmen alabaýy sowgat berildi.
Türkmen halkynyň Milli Lideri Gurbanguly Berdimuhamedow Koreýa Respublikasynyň Prezidenti Ýun Sok Ýola ahalteke bedewi hem-de türkmen alabaýy barada gürrüň berip, olaryň türkmen halkynyň milli gymmatlygydygyny we buýsanjydygyny aýtdy.
Türkmen halkynyň Milli Lideri dostlugyň we belent sarpanyň nyşany hökmünde Koreýa Respublikasynyň Prezidentine we onuň maşgalasyna türkmen alabaýynyň güjügini sowgat berdi. Belent mertebeli myhmanlar şeýle ýakymly wakanyň Türkmenistanyň Koreýa Respublikasyna bildirýän aýratyn hormatynyň we hoşniýetli dostlugynyň nyşanydygyny bellediler.
