SpaceX kompaniýa üçin ähmiýetli bolan Falcon 9 raketasynyň birinji basgançagynyň nobatdaky gonuşyny üstünlikli amala aşyrdy.
“Falcon 9 300-nji gezek gonýar” – diýip, SpaceX habar berdi.
Kompaniýanyň esaslandyryjysy we ýolbaşçysy Ilon Mask öz teswirinde diňe “300” ýazgyny galdyrdy.
Üstünlik Floridanyň Kanaweral burnundaky kosmos güýçleri stansiýasyndan 22 sany Starlink hemrasy uçurylandan soň, anna güni agşam (7-nji iýun) hasaba alyndy.
Uçuryşdan 8,5 minut soň, Falcon 9-yň birinji basgançagy Atlantik ummanynda ýerleşýän SpaceX A Shortfall of Gravitas gämisinde dikligine gondy.
Uçuryş bu raketa göterijisi üçin 16-njy boldy, olardan 12-si Starlink missiýalaryna bagyşlandy. Şol bir wagtyň özünde, Falcon 9-yň ýokarky basgançagy uçuşyny dowam etdirip, uçuryşdan 52,5 minut soň 22 Starlink hemrasyny Ýere golaý pes orbita ýerleşdirdi.
Uçuryş şu ýyl SpaceX-iň 59-njy orbital missiýasy boldy. Olardan 42-isi häzirki wagtda 6000-den gowrak işleýän hemrany öz içine alýan Starlink mega-toparyny döretmäge bagyşlanandyr.
