Çehiýanyň ýaşaýjysy gezelenç edip ýörkä üýtgeşik bir tapynda gabat geldi: ol orta asyra degişli 2150 kümüş teňňeden ybarat hazynanyň üstünden bardy. Hazyna Pragadan takmynan 50 km uzaklykda ýerleşýän Kutna-Gora şäheriniň golaýyndan tapyldy diýip, Çehiýanyň Ylymlar akademiýasynyň Arheologiýa institutyna salgylanýan N+1 habar berýär.
Bu ýere gelen arheologlar teňňeleriň XII asyryň başynda syýasy durnuksyzlyk döwründe gizlenendigini anykladylar. Ähtimal, onuň eýesi tygşytlan pullaryny gizlemäge mejbur bolan barjamly adam bolan bolsa gerek.
Şaýy pullar Çehiýanyň üç knýazynyň: Wratislaw II-niň we onuň ogullary Břetislaw II kiçi-niň we Boržiwoýe II-niň höküm süren döwürlerinde Praga zikgehanasynda çykarylan bolmaly. Hazynany ilkibaşdan diňe düýbi saklanyp galan keramiki gapda gizläpdirler.
