Geçen hepdede Türkmenistanyň biržasynda 38 million dollaryk geleşikler hasaba alyndy

  • 03.06.2024 13:27
  • 2.1k+

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 17-si hasaba alyndy. 

Daşary ýurt puluna Birleşen Arap Emirlikleriniň, Türkiýäniň, Owganystanyň telekeçileri «Türkmennebit» döwlet konserniniň kärhanasynda öndürilen az kükürtli ýangyç mazudyny, polipropileni, binýatlyk ýagy, şeýle hem «Türkmenhimiýa» döwlet konserniniň kärhanasynda öndürilen polietilen gaplaryny we yşyklandyryş kerosinini satyn aldylar. 
Mundan başga-da, daşary ýurt puluna Gyrgyzystanyň we Özbegistanyň telekeçilerine nah ýüplük we aşgarlanmadyk mata ýerlenildi. Geleşikleriň jemi bahasy ABŞ-nyň 38 million 469 müň dollaryndan gowrak boldy.
Ýurdumyzyň telekeçileri içerki bazar üçin jemi bahasy 33 million 878 müň manatdan gowrak bolan polipropileni («Türkmennebit» döwlet konserni), float aýnasyny we ýüpek çig malyny satyn aldylar.


düýn 14:47
1.8k+

Türkmenistanyň biržasynda geçen hepdede baglaşylan geleşikleriň bahasy 96 mln dollardan geçdi

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 19-sy hasaba alyndy. Geleşikleriň jemi bahasy ABŞ-nyň 96 million 517 müň dollaryndan gowrak boldy. Daşary ýurt puluna Birleşen Arap Emirlikleriniň, Türkiýäniň we Owganystanyň telekeçileri “Türkmenhimiýa” döwlet konserniniň kärhanasynda öndürilen suwuklandyrylan gazy, karbamidi satyn aldylar...

düýn 14:01
5.2k+

Türkmenistanyň wekiliýeti Russiýada geçirilen Halkara ekologiýa maslahatyna gatnaşdy

25-nji iýulda Türkmenistanyň wise-premýeri N.H.Atagulyýewiň ýolbaşçylygyndaky Türkmenistanyň wekiliýeti Russiýa Federasiýasynyň Altaý Respublikasynda geçirilen Halkara ekologiýa maslahatyna gatnaşdy. Bu barada Türkmenistanyň DIM-nde habar berdiler...

düýn 08:56
12k+

Gurbanguly Berdimuhamedow Arkadag şäheriniň metjidiniň gurluşygyny gözden geçirdi

26-njy iýulda türkmen halkynyň Milli Lideri Gurbanguly Berdimuhamedow Arkadag şäherine iş saparynyň çäklerinde gurluşygy batly depginde dowam edýän Arkadag şäheriniň metjidini synlady. Häzirki döwürde metjidiň gurluşygyna ýurdumyzdan we daşary ýurtlardan köp sanly adamlar haýyr-sahawat serişdelerini gönükdirip, sogap işe goşant goşýarlar...

düýn 08:48
5.2k+

Gurbanguly Berdimuhamedow Arkadag şäheriniň ikinji tapgyrynyň gurluşygy boýunça iş maslahatyny geçirdi

26-njy iýulda Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparynyň çäklerinde Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D...