"Borussiýa D" vs "Real". Ýewropa futbolynda ýylyň iň esasy finalyny haçan we nirde görmeli?

  • 01.06.2024 15:23
  • 11k+

Şu gije Londondanky "Uembli" stadionynda UEFA Çempionlar ligasynyň final duşuşygy geçiriler. Ýewropa futbolynyň iň esasy baýragy üçin Dortmundyň "Borussiýasy" bilen Madridiň "Realy" bäsleşer.

"Borussiýanyň" finala çenli geçen ýoly ýeňil bolmady. Çaklamalara garamazdan, nemes kluby diňe bir toparlaýyn tapgyrda iň bir agyr hasaplanýan topardan çykmak bilen çäklenmän, birinji ýer bilen çykdy. Onuň garşydaşlary - "PSŽ", "Milan" we "Nýukasl" bolupdyr. Pleý-off tapgyrynda dortmundlylar Eýndhowenden "PSW-ni" we Madridiň "Atletikosyny" ýaryşdan çykardylar. Ýarym finalda bolsa iki gezek "PSŽ-den" üstün çykdylar 
Şeýle-de bolsa, final duşuşygynda "Real" bilen deňeşdirilende "Borussiýanyň" ýeňşe bolan mümkinçilikleri az görnüp bilner. Belläp geçsek, "Real" Çempionlar ligasynyň final tapgyrynda 18 gezek çykyp, 14 gezek ýeňiş gazandy. Toparlaýyn tapgyrda "Real" "Napoliden", "Bragadan" we "Union Berlinden" ybarat toparda üstün çykdy. Pleý-off-da bolsa "Leýpsigden", ýaryşyň häzirki çempionlary "Mançester Sitiden" we "Bawariýadan" üstün çykdylar.
"Borussiýa" nobatdaky gezek ýeňşe bolan erkini görkezip, Madridiň klubunyň agalygyna rüstem gelip bilermi?
Muny biz 1-inden 2-nji iýuna geçilýän gije bileris. Duşuşyk Aşgabat wagty bilen 00:00-da başlanar. Oýny «Матч ТВ» teleýaýlymy görkezer.


şu gün 17:40
1.4k+

"Ahal" FK AFC-2 Çempionlar ligasynyň birinji tapgyrynda myhmançylykda 3 utuk gazandy

16-njy sentýabrda AFC-2 Çempionlar ligasynda «Ahal» futbol kluby myhmançylykda toparçalaýyn tapgyrdaky ilkinji duşuşygynda Hindistanyň «Mohun Bagan» toparyna garşy meýdança çykyp, bu topary 1:0 hasap bilen ýeňmegi başardy...

şu gün 16:12
1.9k+

“Karabah” ÇL-de “Benfikany” utup, ony tälimçisiz galdyrdy: günüň netijeleri

16-njy sentýabrda 2025/2026 möwsüminiň UEFA-nyň çempionlar ligasynyň umumy tapgyrynyň ilkinji oýunlary başlady. Oýun gününiň esasy täsirli wakasy Lissabondaky duşuşyk boldy, bu ýerde “Karabah” ýerli “Benfikany” 3:2 hasabynda utdy...

şu gün 09:34
3.2k+

Louis Vuitton Madridiň “Realynyň” zenanlar topary üçin kolleksiýa döretdi

Louis Vuitton Madridiň “Realynyň” zenanlar toparynyň futbolçylary üçin kolleksiýa çykardy. Bu oýunlar üçin däl-de, meýdançadan daşary resmi çäreler üçin niýetlenen eşikdir diýip, Hypebae habar berýär. Kolleksiýa klassyk kostýumlar, aýakgap, dürli aksessuarlar we el goşy girdi...

düýn 14:43
7.6k+

Kriştianu Ronaldu yzygider ikinji ýyl Saud Arabystanynda “Altyn butsy” aldy

“Al-Nasryň” portugaliýaly hüjümçisi Kriştianu Ronaldu geçen möwsümde Saud Arabystanynyň çempionatynyň iň gowy bombardiri hökmünde “Altyn butsy” baýragyny aldy. “Kriştianu Ronaldu, “Al-Nasryň” kapitany 2024/2025 möwsüminiň “Altyn butsy” baýragyny aldy – yzygider ikinji gezek...