2024-nji ýylda Medeniýet hepdeligini Arkadag şäherinde geçirmek meýilleşdirilýär. Hepdeligi geçirmäge görülýän taýýarlyk işleri barada wise-premýer M.Mämmedowa habar berdi.
Wise-premýer Medeniýet hepdeliginiň çäklerinde dürli çäreleriň guraljakdygyny aýdyp, Medeniýet hepdeliginiň Meýilnamasynyň taslamasyny we nyşanynyň teklip edilýän taslama görnüşlerini Türkmenistanyň Prezidentiniň garamagyna hödürledi.
Prezident Serdar Berdimuhamedow hasabaty diňläp, Medeniýet we sungat işgärleriniň we Magtymguly Pyragynyň şygryýet gününe gabatlap Medeniýet hepdeligini ýokary derejede geçirmegi tabşyrdy.
Şeýle hem wise-premýere medeniýetimizi ösdürmek, milli mirasymyzy gorap saklamak hem-de halkara derejesinde giňden wagyz etmek boýunça alnyp barylýan işleri dowam etmek babatda görkezmeler berildi.
