Toyota Highlander 2024 ýakyn wagtda ilkinji gezek Guandun-Gonkong-Makao awtoulag sergisine çykar. Ilkinji görkezilişiň öňüsyrasynda metbugatda wnedorožnigiň stendiň özünden düşürilen suratlary peýda boldy diýip, IXBT ýazýar.
Täze ulagyň daşky görnüşi asla üýtgemändir diýen ýaly. Esasy üýtgeşmeler salonyň içinde.
Highlander "garyndaşy" Toyota Crown Kluger 2024-iňki ýaly iki sany 12 dýuýmlyk ekrany, SoC Snapdragon 8155-e esaslanýan media ulgamy aldy we bezeginiň materiallary gowulandyryldy. Suratda goňur salonly awtoulag görünýär, ýöne başga görnüşleriniň hem bolmagyna garaşylýar.
Sergä çykarylan nusgasy kuwwaty 189 at güýji 2,5 litrlik benzin hereketlendirijisinden we kuwwaty 182 at güýji bolan elektrik hereketlendirijisinden ybarat gibrid güýç gurluşy bilen enjamlaşdyrylypdyr. Ummumy kuwwaty 246 at güýji.
Kuwwaty öňkülerden, takmynan, 50 at güýji artyk boljak, tekerleri doly hereketli görnüşiniň hem çykmagyna garaşylýar.
