Niderlandlarda ýurduň futbol boýunça dördünji diwizionynyň final oýnunda birtaraplaýyn eminlik sebäpli dawa ýüze çykdy. Bu barada Sport24 habar berýär.
Diwizionyň “Sent-Jorj” bilen “Walkeniň” arasyndaky jemleýji oýnunda emin Ýan Smit “Walkeniň” oýunçylaryna üç gyzyl duýduryş we toparyň tälimçiler toparynyň agzasyna bir gyzyl duýduryş berdi, şeýle-de oýnuň ikinji ýarymyna 15 minut goşdy. Şonuň netijesinde “Sent-Jorj” hasaby deňläp, çempionlyk titulyny gazanyp bildi.
Oýundan soň Smit “Walkeniň” gaharlanmagyna düşünýändigini, ýöne “berlen dört gyzyl duýduryşyň-da ýüz göterim esaslydygyny” aýtdy. Ýöne onuň sözleri ne “Walkeniň” oýunçylaryny, ne-de janköýerleri ynandyrdy.
Mesele eminiň “Sent-Jorj” bilen bilelikde ýeňşi bellemegindedir: ol oýunçylar bilen bilelikde sahna çykyp, çempion kubogyny ýokary galdyrdy.
