2023-nji ýylda Türkmenistan bilen Gyrgyzystanyň arasyndaky haryt dolanyşygy 63 million 546 müň dollara deň boldy. Bu barada Gyrgyz Respublikasynyň Premýer-ministri Akylbek Japarow Aşgabatda Prezident Serdar Berdimuhamedow bilen duşuşygynda belledi.
«2023-nji ýylda ýurtlarymyzyň arasyndaky haryt dolanyşygy 63 million 546 müň dollara deň boldy. Şol bir wagtda özara gatnaşyklarymyzda herekete girizilmedik söwda-ykdysady we maýa goýum mümkinçiliklerimiz bar. Möçberleri mundan beýläk hem artdyrmagy we özara harytlaryň sanawyny giňeltmegi, şeýle hem üçünji tarap ýurtlaryň bazarlaryna bilelikde çykyşy gözkemegi zerur hasaplaýaryn" diýip, Akylbek Japarow belledi.
Prezident Serdar Berdimuhamedow özara hyzmatdaşlygy mundan beýläk hem ösdürmägr gyzyklanma bildirdi.
Duşuşygyň ahyrynda Gyrgyz Respublikasynyň Hökümetiniň Başlygy Türkmenistanyň Prezidentini we Halk Maslahatynyň Başlygyny öz ýurduna gelip görmäge çagyrdy.
Belläp geçsek, Gyrgyz Respublikasynyň Premýer-ministri Akylbek Žaparow Garaşsyz Döwletleriň Arkalaşygynyň Hökümet Baştutanlarynyň Geňeşiniň nobatdaky mejlisine gatnaşmak üçin Aşgabada geldi.
