2024-nji ýylyň 11-nji iýunyndan başlap şengen wizasyny resmileşdirmegiň nyrhy ulular üçin 80-90 ýewro, 6 ýaşdan 12 ýaşa çenli çagalar üçin 40-45 ýewro çenli ýokarlanar. Degişli karar Ýewropa Bileleşiginiň resmi žurnalynda çap edildi diýip, Meduza ýazýar.
Ýygymy köpeltmek baradaky karar 2024-nji ýylyň 14-nji martynda Ýewropa Komissiýasy tarapyndan kabul edildi. Bu ÝB-de hümmetsizlenmäniň ýokarlanmagy bilen düşündirilýär.
Readmissiýa meselesinde ÝB bilen hyzmatdaşlyk etmeýän ýurtlaryň raýatlary üçin ÝB-niň Geňeşiniň kararyna baglylykda wiza tölegi 135 ýa-da 180 ýewro bolar.
Wiza tölegleriniň ýokarlanmagy bilen bir hatarda, wiza merkezleriniň hyzmat tölegleriniň ýokarlanjakdygy, konsullyk ýygymynyň 50% -ine çenli bolup biljekdigi bellenilýär.
Ýewropa Komissiýasy ÝB-de hümmetsizlenmäniň derejesi we döwlet işgärleriniň ortaça aýlygy ýaly, “obýektiw kriteriýalara” esaslanyp, her üç ýyldan wiza töleginiň möçberine gaýtadan seredýär.
