Oaktree amerikan gaznasy “Interiň” täze eýesi boldy

  • 23.05.2024 16:14
  • 10k+

Milandan (Italiýa) “Inter” futbol kluby Oaktree amerikan maýa goýum gaznasynyň gözegçiligine geçdi. Klubuň eýesiniň çalyşmagy Hytaýyň Suning Group holding kompaniýasynyň üç ýyl mundan ozal Oaktree-den alnan 395 mln ýewro möçberde karzyny yzyna gaýtaryp bilmändigi sebäpli bolup geçdi diýip, Sky Sport Italy gaznanyň beýanyna salgylanyp habar berýär.

“Biz täze hususyýetçiler topary hökmünde jemgyýetiň we “Interiň” taryhy mirasynyň öňündäki uly jogapkärçiligimize düşünýäris. Biz toparyň uzak möhletleýin üstünligine tarap ýykgyn edýäris we klub bilen bagly isleglerimiziň onuň Italiýadaky we bütin dünýädäki muşdaklarynyň islegleri bilen gabat gelýändigine ynanýarys. Başlangyç maksadymyz – klubuň operasion we maliýe durnuklylygyny üpjün etmek. Biz “Interiň” ýolbaşçylygyna uly hormat goýýarys we olar bilen ýakyn hyzmatdaşlyga bil baglaýarys” diýip, Oaktree-niň baş müdiri Alehandro Kano belledi.

Şeýle-de, Kano yzygider ikinji çempion titulyny gazanmagyň “Inter” üçin şanly wakadygyny belläp, klubuň meýdançada we ondan daşary üstünlik gazanmagyny dowam etdirjekdigine umyt bildirdi.


şu gün 11:23
1.1k+

El Nacional: 2026-njy ýyldaky dünýä çempionatyndan soň Fransiýanyň ýygyndysyna Zidan ýolbaşçylyk eder

Fransiýanyň Futbol federasiýasy Zinedin Zidan bilen 2026-njy ýyldaky dünýä çempionatyndan soň milli ýygyndynyň baş tälimçisi wezipesine bellenilmegi barada ylalaşyk gazandy. Zidan Didýe Deşamyň ýerine geler diýip, El Nacional gazeti habar berýär...

düýn 15:36
3.1k+

FIFA milli ýygyndylaryň sentýabr we oktýabr arakesmelerini bir 16 günlük arakesmä birleşdirer

2026-njy ýyldan Halkara futbol federasiýasy (FIFA) milli toparlaryň oýunlary üçin sentýabr we oktýabr arakesmelerini birleşdirer. Ol umumylykda 16 gün dowam eder. Noýabrdaky halkara arakesme üýtgewsiz galar diýip, El Desmarque habar berýär...

düýn 15:30
6.1k+

“Bawariýa” öz stadionynyň öňünde Frans Bekkenbauere ýadygärlik dikdi

“Bawariýa” özüniň “Arena Mýunhen” stadionynyň öňünde dabaraly ýagdaýda klubuň we Germaniýanyň milli ýygyndysynyň meşhur goragçysy Frans Bekkenbauere ýadygärlik açdy. Klubuň prezidenti Gerbert Haýner täze ýadygärligiň ähmiýetini belläp geçdi...

13.09.2025 13:09
4.3k+

Angliýanyň Futbol assosiasiýasy “Çelsini” 74 düzgün bozmasynda aýyplady

Angliýanyň Futbol assosiasiýasy (FA) Londonyň “Çelsi” klubuny 74 düzgün bozmasynda aýyplady. Bu barada FA-nyň metbugat gullugy habar berdi. Assosiasiýanyň maglumatlaryna görä, düzgün bozmalar agentlikleriň, araçylaryň işi we üçünji şahslaryň maýa goýumlary bilen baglanyşykly...