Hytaý dünýäde üçünji awtomobil eksportçysy: ol ABŞ-dan we Meksikadan öňe geçdi

  • 23.05.2024 15:01
  • 23k+

Hytaý 2023-nji ýylda awtomobilleri dünýä bazarlaryna ibermek boýunça pul aňlatmasynda ABŞ-dan we Meksikadan öňe geçip, üçünji orny eýeledi. Bu ugurda öňdebaryjylar Germaniýa we Ýaponiýa bolmagynda galýar diýip, RIA Nowosti açyk maglumatlara esaslanyp habar berýär.

Geçen ýyl Hytaý ýeňil awtomobilleriň, awtobuslaryň, ýük ulaglarynyň we ýörite ulaglaryň eksportyny rekord 97 mlrd dollara çenli artdyrdy. Bu hem oňa Meksikadan we ABŞ-dan öňe geçip, 8,4% paý bilen üçünji orny eýelemäge mümkinçilik berdi. Şol bir wagtyň özünde Hytaý global awtoulag bazarynda bolmakda iň uly ösüşi görkezdi – 2,1 göterim punkt.
Şeýle-de bolsa, oňa heniz dünýäniň iň uly awtoulag eksportçylary bolan Germaniýadan we Ýaponiýadan öňe geçmek başardanok. Birinjisi öňdebaryjy awtomobil üpjün edijisi bolup, eksportyny 172 mlrd dollardan 197 mlrd dollara çenli artdyrdy, ýöne onuň dünýä bazaryndaky paýy 1,2 göterim punkt, 17,1%-e çenli azaldy. Ýaponiýa 123 mlrd dollar bilen ikinji orny saklady. Ol öz paýyny 10,5%-den 10,6%-e çenli artdyrdy.
Bäşligi Meksika we ABŞ jemleýär. Meksika eksporty 16%, 95 mlrd dollara çenli ýokarlandyryp, bazaryň 8,3%-ini, ABŞ 13%, 89 mlrd dollara çenli ýokarlandyryp, bazaryň 7,8%-ini eýeledi. Şeýle-de, 2023-nji ýylyň jemi boýunça öňdebaryjylaryň onlugyna Günorta Koreýa, Ispaniýa, Kanada, Beýik Britaniýa we Fransiýa girdi.
Umuman alanyňda, 2023-nji ýylda ýurtlar 1,15 trln dollardan gowrak mukdarda ýeňil awtoulaglary, awtobuslary, ýük ulaglaryny we ýörite ulaglary eksport etdiler. Bu bir ýyl ozalkydan tas 23% köpdür.


24.07.2025 18:16
16k+

ABŞ we Ýaponiýa ýapon awtoulaglaryna hem-de beýleki harytlara salynýan paçlary azaltmak barada ylalaşdylar

ABŞ bilen Ýaponiýa käbir ýapon harytlaryna, şol sanda awtoulaglara gümrük paçlaryny azaltmagy göz öňünde tutýan nyrh syýasatyny üýtgetmek barada ylalaşyk gazandy. Muny ABŞ-nyň Prezidenti Donald Tramp özüniň Truth Social sosial ulgamynda yglan etdi we bu şertnamany ýurtlaryň arasyndaky “taryhda iň uly” şertnama diýip atlandyrdy...

20.07.2025 14:24
4.3k+

Ford Hytaýda Bronco-nyň adaty bolmadyk has uly görnüşini çykarar

Ford kompaniýasy Bronco modeliniň dünýä bazaryna hödürlenen ähli wersiýalaryndan tapawutlanýan, üýtgedilen görnüşini Hytaý bazaryna çykarmaga taýýarlanýar. Täze model Jiangling Ford bilelikdäki kärhanasy tarapyndan işlenip düzüldi we gibrid hem-de doly elektrik görnüşinde hödürlener...

19.07.2025 14:20
5.7k+

Täze BMW Neue Klasse Hytaýda ýerli Momenta-dan awtopilot alar

BMW konserni Hytaýyň şertlerine uýgunlaşdyrylan elektrik ulaglary bolan Neue Klasse maşgalasy üçin ýarym awtonom dolandyryş ulgamyny işläp taýýarlajak Hytaýyň Momenta başlangyjy bilen şertnama baglaşdy. Hytaýda modelleriň satuwy 2026-njy ýylda başlamaly diýip, Tencent News neşiri habar berýär...

15.07.2025 12:22
7.9k+

Hytaýyň ýollarynda Xiaomi YU9 wnedorožniginiň nusgasy göze ildi: ol gibrid bolar

Hytaýyň ýollarynda doly göwrümli gibrid Xiaomi YU9 wnedorožniginiň prototipi göze ildi. Awtoulag meýdan synaglaryndan geçýär. CarNewsChina-nyň berýän habaryna görä, modeliň 2026-njy ýylyň ýazynda hödürlenmegine garaşylýar...