Kanadaly oglan Lego-dan “Müňýyllyk laçyn” kosmos gämisini gurmak boýunça täze dünýä rekordyny goýdy. Ol 7,5 müňden gowrak detaldan ybarat bolan kosmos gämisiniň modelinden 7,5 sagatda baş çykardy. Gurnama işine Ginnesiň rekordlar kitabynyň wekilleri syn etdi.
Ontarionyň 21 ýaşly ýaşaýjysy Iwan Ýuwa ähli detallary biri-birine berkitmek üçin 7 sagat 36 minut 37 sekunt gerek boldy. Ol öňki rekorddan tas 3 sagat ir boldy.
Ýu Rekordlar kitabynyň wekilleri bilen söhbetdeşlikde hemişe “Ýyldyz söweşijileriniň” uly muşdagy bolandygyny, aýratynam, “Müňýyllyk laçyn” ýa-da “Ýyldyz weýran edijisi” ýaly kosmos gämileriniň dizaýnlaryny gowy görendigini gürrüň berdi.
Ýu wideoda Han Solonyň gämisini düzmäge ilkinji synanyşygynyň düşürilendigini belledi.
Gurluşyk prosesi onuň üçin diýseň gyzykly boldy, ýigit işe kellesi bilen “çümüp”, hatda wagtyň nähili çalt geçendigini-de duýmady: “Işiň ahyryna çenli barmaklarym we arkam agyrdy. Eger men haçan hem bolsa rekordy täzelemäge synanyşsam, maňa egilmezlik üçin beýik stol gerek bolar”.
