15-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Kazanda “Russiýa — Yslam dünýäsi: KazanForum” XV halkara ykdysady forumynyň çärelerine gatnaşmak üçin Russiýa Federasiýasynyň Tatarystan Respublikasyna iş sapary bilen bardy.
Türkmenistanyň, Russiýa Federasiýasynyň we Tatarystan Respublikasynyň Döwlet baýdaklary bilen bezelen Kazan şäheriniň Gabdulla Tukaý adyndaky Halkara howa menzilinde Gurbanguly Berdimuhamedowa duz-çörek, çak-çak tatar milli tagamy hödürlenildi hem-de gül dessesi gowşuryldy.
Howa menzilinde Türkmenistanyň Halk Maslahatynyň Başlygy Gurbanguly Berdimuhamedowy Russiýa Federasiýasynyň Tatarystan Respublikasynyň Baştutany Rustam Minnihanow we beýleki resmi adamlar mähirli garşyladylar.
“Russiýa — Yslam dünýäsi: KazanForum” XV halkara ykdysady forumy 14-19-njy maý aralygynda geçirilýär. 15-nji maýda forumyň esasy maksatnamasy başlandy.
Düýn Kazandaky Kremlde Tatarystanyň Baştutany bilen Türkmenistanyň Halk Maslahatynyň Başlygynyň duşuşygy geçirildi.
