Türkmenistanda döwlet mekdebe çenli çagalar edaralaryna çagalary kabul etmegiň we ondan çykarmagyň, şeýle hem çagany bir çagalar edarasyndan beýleki çagalar edarasyna geçirmegiň tertibi tasyklanyldy. Degişli Tertip Türkmenistanyň Adalat ministrliginiň hukuk maglumatlar merkezinde çap edildi.
Tertipde şular kesgitlenilýär:
- mekdebe çenli çagalar edaralaryna ýollaýyş hatyny bermek boýunça iş toparynyň düzümi we wezipe borçlary;
- çaganyň ata-enesiniň ýa-da olaryň ornuny tutýan adamlaryň ýüz tutmalaryna garamagyň we mekdebe çenli çagalar edaralaryna Ýollaýyş hatyny bermegiň tertibi.
Tertipde bellenilişi ýaly, ata-eneler ýazgyda durýan ýerine garamazdan çagalaryny öz ýaşaýan ýa-da işleýän ýeriniň golaýynda ýerleşýän mekdebe çenli çagalar edaralaryna ýerleşdirmäge hukuklary bardyr.
Tertipde şeýle hem çagany mekdebe çenli çagalar edaralaryna ýerleşdirmek üçin Ýollaýyş hatyny almak üçin gerekli resminamalaryň sanawy getirilýär.
Tertibiň doly tekstini şu salgydan okap bilersiňiz.
