Umman we atmosfera gözlegleriniň milli edarasynyň kosmos howasyny çaklama merkeziniň (SWPC NOAA) amerikaly alymlary Gündäki güýçli partlamalaryny dowam etdirýän äpet tegmil AR3664-üň ulalandygyny bellediler. Bu meýdanyň ululygy 200 müň kilometre ýetdi, bu bolsa Ýerden 15 esse giňdir diýlip, ylmy edaranyň resmi saýtynda habar berilýär.
Bu AR3664-i Ýeriň üstünden ýörite optiki gurallary ulanmazdan hem görüp bolýandygyny aňladýar. Hünärmenler ýyldyza göze şikes ýetmeginiň öňüni almak üçin diňe gara yşyk filtrleri arkaly seretmelidigini ýatladýarlar.
AR3664 güýçli partlamalary döretmegini dowam etdirýär. Gündäki soňky partlama 9-njy maýda Aşgabat wagty bilen 14:13-de bolup geçdi. Oňa iň ýokary X klasy berildi, onuň kuwwaty bolsa 2,2 bal boldy.
Alymlaryň aýtmagyna görä, Gündäki AR3664 tegmili ululygy boýunça 1859-njy ýylyň Kerrington tegmili bilen bäsleşip biler. Ol Ýeriň taryhynda iň güýçli Gün tupanyny ýüze çykardy, bu hem Kubada, Gawaýide we beýleki ekwatorial sebitlerde polýar şöhlelenmelerini döretdi.
