Serdar Berdimuhamedow Ýaşlyk şäherçesinde suw arassalaýjy desgany açdy

  • 08.05.2024 22:15
  • 18k+

Şu gün, 8-nji maýda Prezident Serdar Berdimuhamedowyň gatnaşmagynda Ahal welaýatynyň Ak bugdaý etrabynyň Ýaşlyk şäherçesinde ýerleşýän, kuwwatlylygy bir gije-gündizde 30 müň kub metr bolan suw arassalaýjy desga açyldy.

Döwlet Baştutany suw arassalaýjy desgasynyň edara binasynda ýerleşýän Dolandyryş merkezine baryp, Merkeziň işi bilen tanyşdy. Onuň işi toplumyň beýleki bölümleriniňki ýaly, doly awtomatlaşdyrylandyr.
Merkezde arassalanan agyz suwuny desgadan bellenen möçberlerde ibermek we zerurlyga görä iberilişi kadalaşdyrmak ýaly çözgütler kabul edilýär. Toplumyň düzümine girýän barlaghana suwy arassalamak üçin ulanylýan himiki reagentleriň bellenen kadalara laýyklykda taýýarlanylyşyna (alýuminiý sulfat we gipohlorit natriý erginlerini garmak) gözegçilik edilýär.
Döwlet Baştutany düwmä basyp, täze desgany ulanylyşa girizdi.
Täze toplum ýurdumyzyň we daşary ýurt önüm öndürijileriniň ýöriteleşdirilen döwrebap enjamlary bilen üpjün edildi. Suw Garagum derýasyndan howdana iberilýär we bu ýerde tebigy taýdan çökdürilýär. Soňra ýörite gözeneklerden geçirilip mehaniki taýdan süzülýär. Soňra bolsa suw sorujy bekedinden turba geçirijiler arkaly suw arassalaýjy desgasyna iberilýär we bu ýerde kaskad howalandyrma desgasy arkaly kislorod bilen baýlaşdyrylýar, şeýle hem demir we magniý ýaly minerallardan arassalanýar. Soňra suw himiki usul bilen arassalanylýar we suw sorujy enjam bilen  çäge hem-de kömür  süzgüçlerinden süzülýär.

Süzülen we doly arassalanan agyz suwy natriý gipohloridi bilen zyýansyzlandyrylyp, dört sany arassa suw howzuna berilýär. Arassa agyz suwy Ýaşlyk şäherçesine, şeýle hem onuň ýakynyndaky obalara iberilýär. Mundan başga-da, suw sorujy enjamlar bilen arassa agyz suwy Gäwers obasyna we onuň töweregindäki ilatly ýerlere iberilýär.

Ekologiýa howpsuzlygyny üpjün etmek maksady bilen, suw arassalamagyň dowamynda emele gelen çökündiler ýörite enjamlar, şol sanda guratmak we goýaltmak üçin niýetlenen dekanter enjamy arkaly zyýansyzlandyrylýar.
Bellenilişi ýaly, bu suw desgasy daşary ýurtlardan getirilen enjamlar bilen enjamlaşdyrylandyr. Hususan-da, Germaniýanyň «Hach lange» kompaniýasynyň enjamy  suwuň düzümindäki hlor, azot, kükürt, marganes, demir, alýumin ýaly maddalaryň derejesini ölçemäge, suwuň gatylygyny kesgitlemäge we 50-den gowrak barlaglary amala aşyrmaga mümkinçilik berýär, Rumyniýanyň «Hanna industries» kompaniýasynyň enjamy  suwuň bulanyklyk derejesini ölçeýär, Hytaýyň «Hanhua faithful import» kompaniýasynyň «SH2» kysymly gyzdyryjy we magnetik garyşdyryjy enjamy  himiki elementleri taýýarlamak we eredip garyşdyrmak işi  ýerine ýetirýär, şeýle hem Türkiýede we  Polşada  öndürilen enjamlar arkaly suwuň agyrlygy we elektropotensial wodorod geçirijiligi ölçenilýär.
Serdar Berdimuhamedow “Ahalwelaýatagyzsuw” birleşiginiň ýolbaşçysyna pudak üçin niýetlenen täze awtoulaglaryň açarlaryny gowşurdy.


düýn 16:22
2.4k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
2k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
5.1k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
10k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...